Tuesday 27 May 2014

Negaro Paling Lunik di Dunio

Beghak Indonesia nyaris 2 juta kilometer persegei. Sebuah negaro kepulauan paling balak di Dunio dengan puluhan ghibeu pulau. Lamun ago ngebayangken balakno Indonesia, abai bandingken jamo negaro-negaro lunik ijo.


5. San Marino (61 km2)
Tuvalu
Negaro sai namo resmeino Republik San Marino ijo letakno di Italia bagian utara. Unyen wilayah San Marino bebatesan darat jamo region Emilia Romagna jamo Marche di Italia. San Marino diklaim sebagai negaro sekaligus republik paling tuho di Dunio, ulah negaro ijo merupakan kelanjutan anjak sebuah negaro kota sai didiriken di tanggal 3 September 301. Populasi San Marino 30.000 jiwa, paling cutik di Uni Eropa.

4. Tuvalu (26 km2)
Tuvalu
Negara sai teletak di antaro Hawaii jamo Australia ijo ngemik gugusan pulau-pulau lunik jamo sejumlah karang atol. Beghak keseluruhan wilayahno iolah 26 kilometer persegei, ngejadiken negaro ijo lebih balak cutik anjak Nauru sebagai negaro pulau paling lunik di dunio. Teletak di Samudera Pasifik, negaro kepulauan lunik ijo dihunei 11.200 jiwa, jumlah populasi paling cutik ketigo di Dunia.

3. Republik Nauru (21 km2)
Nauru
Republik Nauru ijo sebuah negaro sai teletak di Samudera Pasifik. Sangun negaro ijo dikenal sebagai Pulau Pleasant, anjak 31 Januari 1968 jadei negaro bedaulat Republik Nauru. Luas negaro pulau ijo 21 km persegei gaweh, ngejadiken Nauru sebagai negaro pulau paling lunik di Dunio. Jumlah penduduk  9.378, Nauru munih jadei negaro sai populasino paling cutik numur duo di deh Vatikan.

2. Kerajaan Monako (2.02 km2)
Monaco
Monako iolah sebuah negaro kota sai sistem kerajaanno di lem area Prancis. Unyen wilayah daratan Monako bebatesan langsung jamo Prancis. Beghak wilayahno 2.02 km persegei, jaweh lebih lunik anajak Pulau Adonara di Nusa Tenggara Timur (509 km persegi).
Populasi Monako senayah 36.371, salah sateu sai paling jaghang di Dunio. Bentuk pemerintahanno iolah monarki konstitusional sai seorang pangeran sebagai kepalo negarono. Najin bestatus negaro bedaulat, anying urusan petahanan negaro lunik ijo jadei tanggung jawab Prancis.

1. Vatican City (44 hektar)
Lapangan Santo Petrus
Kota Vatikan ijo negaro kota sai mik di kota Roma. Teritorialno terdiri anjak sebuah kompleks bangunan sai dikelilingei semin dinggak taneh sebeghak 44 hektar. Populasi Vatikan mak tigeh 1000 jimo, sai terdiri atas kaban rohaniawan Katolik temasuk Paus. Hal ijo ngejadeiken Vatikan sebagai negaro paling lunik di dunio, lem hal ukuran beghak wilayah jamo munih jumlah populasino.
Vatikan didireiken di tahhun 1929 bedasarken Perjanjian Lateran Kerajaan Italia jamo Tahta Suci. Perjanjian ino ditandatanganei PM Benito Mussolini ngewakilei Raja Victor Emmanuel III, jamo Kardinal Pietro Gasparri ngewakilei Paus. Pendirian negaro kota ijo sebagai bentuk representasi agama Katolik Roma.
Sai unik, sumber pemasukan Vatikan meso anjak penjualan perangko jamo suvenir, tiket kughuk museum, penjualan bukeu jamo publikasi baghih. Wat kabar lamun Vatikan munih meso donasi rutin anjak sejumlah negaro Katolik.
Comments
0 Comments

No comments: