Saturday, 31 May 2014

Tugeu Monas Lem Bahaso Lappung

Monumen Nasional atau si biaso disingkat jadei Monas mak ino Tugeu Monas iolah monumen peringatan si gecakno 132 miter si diguai bangei mengenang perlawanan jamo perjuangan rakyat Indonesia lem ngerebut kemerdekaan anjak pemerintahan kolonial Hindia Belanda. Pembangunan monumen ijo dimulai anjak tanggal 17 Agustus 1961 lem perintah presiden Sukarno, appai dibuka dak umum tanggal 12 Juli 1975. Tugu ijo dimahkotaei lidah api sai dilapisei lembaran emas sai ngelambangken semangat perjuangan sai menyala-nyala. Monumen Nasional mik di tengah Lapangan Mejamo Merdeka, Jakarta Pusat. Monumen jamo museum ijo dibuka setiap harei mulai jam 08.00 - 15.00 WIB. Pas harei Senin pekan terakhir nggal bulannno ditutup.

Sejarah

Seghadeu pusat pemerintahan Republik Indonesia balik adek Jakarta seghadeu selawak ino di Yogyakarta pas tahhun 1950 nyusul pengakuan kedaulatan Republik Indonesia anjak pemerintah Belanda di tahhun 1949, Presiden Sukarno mulai mikirken pembangunan monumen nasional sai setara jamo Menara Eiffel di lapangan pas di depan Istana Merdeka. Pembangunan tugu Monas tujuanno makai mengenang jamo ngelestariken perjuangan bangsa Indonesia di masa revolusi kemerdekaan 1945, bangei terus ngebangkitken inspirasi jamo semangat patriotisme generasi tano jamo naen.

Di tanggal 17 Agustus 1954 sebuah komite nasional diguai dengan sayembara perancangan monumen nasional digelar di tahhun 1955. Ngemik 51 karya sai kughuk, anying sai karya gaweh si diguai Frederich Silaban si pas jamo kriteria si diguai komite, antara lain ngegambarken karakter bangsa Indonesia jamo dapek bertahan berabad-abad. Sayembara keduo digelar di tahhun 1960 anying sekalei lagei makko anjak 136 peserta sai memenuhei kriteria. 

Ketua juri kilui tulung Silaban nunjukken rancanganno adek Sukarno. Anying Sukarno kurang iling jamo rancangan ino jamo io ago monumen ino bebentuk lingga jamo yoni. Silaban ghadeu ino dikilui tulung ngerancang monumen jamo tema gah ino, anying rancangan sai diajuken Silaban terlaleu wawai attan biayano balak temen jamo mak mampeu ditanggung makai anggaran negaro, apalagei kondisi ekonomi pas ino lagi mak sihat. Silaban nulak ngerancang bangunan sai lebih lunik, jamo nyaranken pembangunan ditunda tigeh ekonomi Indonesia sihat. 

Sukarno kanjak san kilui tulung arsitek R.M. Soedarsono ngelanjutken rancangan ino. Soedarsono ngughukken akko 17, 8 jamo 45, ngelambangkan 17 Agustus 1945 mulai Proklamasi Kemerdekaan Indonesia, dak lem rancangan monumen ino. Tugu Peringatan Nasional ino selanjutno dibangun di areal sebeghak 80 hektare. Tugu ino diarsiteki Friedrich Silaban jamo R. M. Soedarsono, mulai dibangun 17 Agustus 1961.

Pembangunan

Sukarno menginspeksi pembangunan Monas. Foto ijo dibuat sekitar tahhun 1963-1964.
Pembangunan terdirei anjak tigo tahap. Tahap pertamo, kurun 1961/1962 - 1964/1965 dimulai secagho resmei pembangunan di tanggal 17 Agustus 1961 oleh Sukarno secaro seremonial nancapken pasak beton pertamo. Total 284 pasak beton dipakai makai fondasi bangunan. Mik 360 pasak bumei ditanemken makai fondasi museum sejarah nasional. Unyen pemancangan fondasi ghadeu di bulan Maret 1962

Dinding museum di deh bangunan ghadeu di bulan Oktober. Pembangunan obelisk kemudian dimulai jamo akhirno ghadeu di bulan Agustus 1963. Pembangunan si keduo berlangsung lem kurun 1966 tigeh 1968 akibat ngemik Gerakan 30 September 1965 (G-30-S/PKI) jamo upaya kudeta, tahap ijo sempat tertunda. Tahap akhir berlangsung di tahhun 1969-1976 jamo nambahken diorama di museum sejarah. Najin pembangunan kak ghadeu, masalah pagun ngemik, antara lain wai bucur di museum. Monumen secaro resmei dibuka jak umum jamo diresmeiken di tanggal 12 Juli 1975 oleh Presiden Republik Indonesia Soeharto

Lokasei pembangunan monumen ijo namono Mejamo Merdeka. Lapangan Monas ngalamei limo kalei gattei namo : Lapangan Gambir, Lapangan Ikada, Lapangan Merdeka, Lapangan Monas, jamo Taman Monas. Di sekeliling tugeu ngemik taman, wo kulam jamo beberapa lapangan terbuka pek olahraga. Di harei libur Mejamo Merdeka penuhi pengunjung sai rekreasi ngenah-ngenah pemandangan Tugeu Monas jamo aktivitas baghih lem taman.

Rancang Bangun Monumen

Rancang bangun Tugeu Monas didasarken jamo konsep pasangan universal sai abadi; Lingga jamo Yoni. Tugu obelisk sai menjulang geccak iolah lingga sai ngelambangken ragah, elemen maskulin sai besifat aktif jamo positif, jamo ngelambangken dawah. Sementara pelataran cawan landasan obelisk iolah Yoni sai ngelambangken sebai, elemen femijon sai pasif jamo negatif, jamo ngelambangken bingei. Lingga jamo yoni ino lambang kesuburan jamo harmonis sai saling ngelengkapei anjak masa prasejarah Indonesia. 

Selain ino bentuk Tugu Monas munih dapek ditafsirken sebagai sepasang "alu" jamo "Lesung", alat penumbuk paghei sai meso anjak setiap rumah tangga petani tradisional Indonesia. Jamo rancang bangun Monas nayah dimensi khas budaya bangsa Indonesia. Monumen terdirei anjak 117,7 miter obelisk di unggak landasan persegi sai geccakno 17 miter, pelataran cawan. Monumen ijo dilapisi jamo marmer Italia.

Kulam di Taman Mejamo Merdeka Utara ukuranno 25 x 25 miter dirancang sebagai bagian anjak sistem pendingin udara sekaligus guai penampilan Taman Monas lebih calak. Paghek anjak san ngemik kulam air mancur jamo patung Pangeran Diponegoro sai lagei nunggang kudono, diguai anjak perunggu 8 ton. Patung ino diguai pemahat Italia, Prof. Coberlato sebagai sumbangan anjak Konsulat Jendral Honores, Dr Mario Bross di Indonesia. Gangek kughuk Monas ngemik di taman Mejamo Merdeka Utara paghek patung Pangeran Diponegoro. Gangek kughuk liwat terowongan sai mik 3 m di deh taman jamo ngelayo silang Monas ijo kiyo, gangek kughuk pengunjung adek tugeu Monas. 

Loket tiket mik di ujung terowongan. Pas pengunjung cakak kupek adek permukaan taneh di sisi utara Monas, pengunjung dapek ngelajeuken bekeliling mngenah relief sejarah perjuangan Indonesia; kughuk adek lem museum sejarah nasional liwat gangek di sudut timur laut, atau langsung cakak adek tengah adek ruang kemerdekaan atau lift adek pelataran puncak monumen.

Relief Sejarah Indonesia

Relief timbul sejarah Indonesia nyulukken Gajah Mada jamo sejarah Majapahit
Di halaman luah ngelilingei monumen, di tiap sudutno ngemik relief timbul sai ngegambarken sejarah Indonesia. Relief ijo bermula di sudut timur laut jamo ngabadiken kejayaan Nusantara di masa lampau; nyulukken sejarah Singhasari jamo Majapahit. Relief ijo belanjut secaro kronologis searah jarum jam adek sudut tenggara, barat daya, jamo barat laut. Secara kronologis ngegambarken masa penjajahan Belando, perlawanan rakyat Indonesia jamo pahlawan-pahlawan nasional Indonesia, terbentukno organisasi modern sai memperjuangken Indonesia Merdeka di awal abad ke-20, Sumpah Pemuda, Pendudukan Jepang jamo Perang Dunia II, proklamasi kemerdekaan Indonesia disusul Revolusi jamo Perang kemerdekaan Republik Indonesia, tigeh  masa pembangunan Indonesia modern. Relief jamo patung-patung ijo diguai anjak semin jamo kerangka pipa atau logam, sayangno mik patung jamo arca mulai rontok jamo cadang akibat ujan jamo cuaca tropis.

Museum Sejarah Nasional

Di bagian dasar monumen di 3 miter di deh tanah, ngemik Museum Sejarah Nasional Indonesia. Ruang balak museum sejarah perjuangan nasional sai ukuranno sebeghak 80 x 80 miter, dapek nampung pengunjung sekitar 500 jimo. Ruangan balak belapis marmer ijo mik 48 diorama di keepak sisino jamo 3 diorama di tengah, jadei total 51 diorama. Diorama ijo nampilken sejarah Indonesia anjak masa pra sejarah tigeh masa Orde Baru. 

Diorama ijo dimulai anjak sudut timur laut begerak searah jarum jam nelusurei perjalanan sejarah Indonesia; mulai masa pra sejarah, masa kemaharajaan kuno gegah Sriwijaya jamo Majapahit, disusul masa penjajahan bangsa Eropa sai disusul perlawanan kaban pahlawan nasional pra kemerdekaan lawan VOC jamo pemerintah Hindia Belanda. Diorama belangsung terus tigeh masa pergerakan nasional Indonesia awal abad ke-20, pendudukan Jepang, perang kemerdekaan jamo masa revolusi, tigeh masa Orde Baru di masa pemerintahan Suharto.

Ruang Kemerdekaan

Di lem cawan monumen ngemik Ruang Kemerdekaan bebentuk amphitheater. Ruangan ijo liwat  ijan muter anjak gangek sisi utara jamo selatan. Ruangan ijo njamuk simbol kenegaraan jamo kemerdekaan Republik Indonesia. Diantarono naskah aslei Proklamasi Kemerdekaan Indonesia sai dijamuk lem kutak kaco di lem gerbang belapis emas, lambang negaro Indonesia, peta kepulauan Negara Kesaian Republik Indonesia belapis emas, jamo bendera merah putih, jamo dinding sai betulis naskah Proklamasi Kemerdekaan Republik Indonesia. 

Di lem Ruang Kemerdekaan Monumen Nasional ijo dipakai sebagai ruang tenang mengheningkan cipta jamo bemeditasi ngenang hakikat kemerdekaan jamo perjuangan bangsa Indonesia. Naskah aslei proklamasi kemerdekaan Indonesia dijamuk lem kutak kaco lem gangek gerbang belapis emas. Gangek mekanis ijo diguai anjak perunggu sebiakno 4 ton belapis emas dihiasei ukiran kembang Wijaya Kusuma sai ngelambangken keabadian, jamo kembang Teratai sai ngelambangken kesucian. Gangek ijo teletak di dinding sisi barat pas di tengah ruangan jamo belapis marmer agheng. Gangek ijo dikenal jamo namono Gerbang Kemerdekaan sai secara mekanis bakal kebuka sambil mayyau lageu "Padamu Negeri" jamo rekaman suara Sukarno lagei ngebacoken naskah proklamasi pas 17 Agustus 1945

Di sisi selatan ngemik patung Garuda Pancasila, lambang negaro Indonesia diguai anjak perunggu si biakno 3,5 tun belapis emas. Di sisi timur ngemik tulisan naskah proklamasi behuruf perunggu, disno sisi ijo nampilken bendera sai paling suci jamo dimuliakan Sang Saka Merah Putih, sai asleino dikibarkan di tanggal 17 Agustus 1945 anying uleh kondisino kak tuho, bendera suci ijo mak dipamer. Sisi utara diding marmer agheng ijo nampilken kepulauan Nusantara belapis emas, ngelambangken lokasi Negara Kesaian Republik Indonesia. Unyen ijo wawai temen.

Pelataran Puncak jamo Apui Kemerdekaan

Pelataran si geccakno 115 miter pek pengunjung dapek ngenah panorama Jakarta anjak pek geccak
elevator (lift) di gangek sisi selatan bakal ngebo pengunjung adek pelataran puncak berukuran 11 x 11 miter di 115 miter anjak permukaan taneh. Lift ijo bekapasitas 11 jimo sekalei cakak. Pelataran puncak ijo dapek nampung sekitar 50 jimo, jamo ngemik teropong makai ngenah panorama Jakarta lebih paghek. Di sekeliling badan elevator ngemik ijan darurat sai diguai anjak besei. Anjak pelataran puncak tugeu Monas, pengunjung dapek ngnah pemandangan unyen sudut kota Jakarta. Lamun kondisei cuaca cerah makko kabut, di arah adek selatan kenahhan anjak jaweh Gunung Salak di wilayah kabupaten Bogor, Jawa Barat, arah utara ngebentang lawet jamo pulau-pulau lunik.

Di puncak Monumen Nasional ngemik cawan sai nopang ughikno lappeu perunggu sai biakno tigeh 14,5 tun jamo dilapisei emas 35 Kilo. Apui atau obor ijo beukuran geccak 14 miter jamo bediameter 6 miter terdirei anjak 77 bagian sai jadei sai. Apui ijo sebagai simbol semangat perjuangan rakyat Indonesia sai meghittek meso kemerdekaan. Awalno ughik api perunggeu ijo dilapisei lembaran emas biakno 35 kilogram anying uleh ago nyambut perayaan setengah abad (50 tahhun) kemerdekaan Indonesia di tahhun 1995, lembaran emas ijo dilapis ulang baikno jadei 50 kilo lembaran emas. Puncak tugeu berupa "Apui Si Mak Ket Matei" sai bemakna bangei Bangsa Indonesia senantiasa mik semangat sai menyala-nyala lem bejuang jamo mak ket surut sepanjang masa. 

Pelataran cawan nyulukken pemandangan adek pengunjung anjak kgeccak 17 miter anjak permukaan taneh. Pelataran cawan dapek  liwat elevator pas turun anjak pelataran puncak atau liwat ijan tigeh dasar cawan. Geccak pelataran cawan anjak dasar 17 meter, sedangken bido geccak antaro ruang museum sejarah adek dasar cawan  8 m (3 miter di deh taneh ditambah 5 miter ijan adek dasar cawan). Behak pelataran sai bebentuk bujur sangkar, berukuran 45 x 45 miter, unyenno ijo pelestarian akko keramat Proklamasi Kemerdekaan RI (17-8-1945).

28 kg anjak 38 kg emas di obor monas ino merupakan sumbangan anjak Teuku Markam, pengusaha Aceh sai kanjak jadei salah sateu ulun paling ghayo di Indonesia

Comments
0 Comments

No comments: